अन् खरचं तुझी आठवण येते ....

कधी सागराचे किनारे
वाळूत रूतलेले पाय
फक्त माझ्याच पायाचे ठसे
अन् तुझी आठवण येते

कधी मुसळधार पाऊस
डोक्यावर छत्री
आणि छत्रीत मी एकटाच
अन् तुझी आठवण येते

कधी मदहोश रात्र
आकाशात पुर्ण चंद्र
रातराणीचा सुगंध
अन् तुझी आठवण येते 

कधी माझी कविता
तिचा उडालेला रंग
माझा बदललेला ढंग
अन् तुझी आठवण येते

कधी नीरव शांतता 
कानात तुझा आवाज
डोळ्यासमोर तुझी प्रतिमा
गालावर सुखलेले अश्रु
अन् खरचं तुझी आठवण येते ....

-प्रतिक देसाई.