मना रे मना किती विचार करशील?
जुन्या आठवणींना किती रे गोंजारशील?
त्या एकाच दुःखाने किती खिन्न होशील?
भुतकाळ होता तो हे कधी समजशील?
सगळे विसरणे असे लगेच शक्य नसते
ठावूक आहे मजला
मात्र भुतकाळात हरवणे ही योग्य नसते
हे कसे समजावू तुजला?
स्वप्न पाहणे हा गुन्हा नाही आहे
माहीत आहे मजला....
मात्र स्वप्नेही तुटतात कधी
हे ठाव आहे का तुजला?
जिंकणे हरणे हेच खरे जीवन
आहे रे मना....
आणि त्यातच सुख शोधणे हेच जगणे
आहे रे मना....
- प्रतिक देसाई.
